Ankèt Lapolis jidisyè sou trafik zam ak minisyon : RNDDH bat bravo pou jefò DCPJ yo

RNDDH ap swiv avèk anpil atansyon ankèt DCPJ ap mennen sou tout kagezon zam ak minisyon yo sezi oubyen yo dekouvri nan Pòdepè, nan depatman Nòdès ouswa nan Pòtoprens nan depatman Lwès
RNDDH panse jefò DCPJ yo merite yon gwo kout chapo nan yon moman kote peyi a chaje ak gang epi yon gwoup moun ap fè lajan nan trafik zam ak katouch. Poutan, popilasyon an pa janm sispann konte kadav ni yo pa janm sispann sibi vye zak anba men bandi ak zam ki chak jou ap vin pi mechan.
Nan sans sa, RNDDH ap fè nou sonje depi 2018 pou rive jouk jounen jodia, gen pou pi piti 16 masak ak atak gang ki fèt nan plizyè komin nan depatman lwès la. Nan 2 dènye masak ki sot genyen nan Laplèn ak nan Site Solèy, gen plis pase 500 moun ki pèdi lavi yo epi gen pou pi piti 18 fanm ki viktim kadejak. Mete sou tout masak ak atak sa yo, popilasyon an pa sispann sibi zak kidnapinn ak asasinay, sa ki lakoz anpil moun pèdi lavi yo ak byen yo.
[…]