Gwo goumen nan mitan gwoup nèg ak Zam : RNDDH mande pwoteksyon pou popilasyon an

Soti 24 avril pou rive 6 me 2022, yon gwo goumen pete nan komin Taba ak nan Komin Kwadèboukè nan mitan gang 400 mawozo ak baz Chen Mechan, ki se de (2) gwoup bandi k’ap feraye nan plenn nan. Daprè enfòmasyon ki t’ap sikile nan medya ak sou rezo sosyal yo, sitiyasyon ki t’ap devlope nan yon bon pati nan laplèn nan te bay anpil kè sote. Anpil kay boule, anpil moun mouri kankannen, kadejak fèt sou plizyè fanm ak tifi. Nan sans sa, Rezo Nasyonal k’ap Defann Dwa moun (RNDDH) te fè yon ankèt pou rive jwenn bon jan enfòmasyon sou batay sila a…